سعر تذكرة الأتوبيس النهري 2024 ومواعيد واماكن ركوب الاتوبيس النهري 2024

سعر تذكرة الأتوبيس النهري 2024,مواعيد الأتوبيس النهري 2024,أماكن ركوب الأتوبيس النهري من اكثر العبارات بحثا علي محرك البحث العالمي جوجل تزامنا مع بدء اجازة عيد الفطر المبارك .

و ينظم الأتوبيس النهري عده رحلات داخل النيل وآلي القناطر الخيرية لمدة 6 ساعات ينتظر الاتوبيس الركاب خلالها مدة ساعتين ويستغرق مدة 4 ساعات ذهاب وعودة.

الأتوبيس النهري

الاتوبيس النهري

يوم مميز من المتعه هتعيشه علي متن الأتوبيس النهري اللي بيطلع رحلات دورية من محطته في المظلات تحت كوبري تحيا مصر واقرب محطة مترو الخلفاوى.. وده بيطلع كل يوم جمعه صباحا قبل ٩ ص تكون هناك لان هيتحرك للقناطر بس للاسف مش بيمشي غير باكتمال عدد ٥٠ شخص فممكن يتاخر لبعد ١٠ ص وتذكرته ب ٦٠ جنيه بس فعلا هتشوف طول الرحلة جمال مصر الحقيقي.. نيل وهوا وخضرة وزرع وطيور ومراكب نيليه واشجار موز وطبعا القناطر بمعالمها لانه هيسيبك فيها لمدة ساعتين هتقدر تتمشي وتشوف جنايين القناطر وشلالات فرع رشيد ولو عاوز تقعد هتلاقي كافيه ع النيل دخوله ب ١٠ ج واقل مشروب ب ١٠ ج بس اسمع نصيحتي.. اتمشي للشلالات اللي هتشوف جمالها وتفاصيل الرحلة كاملة علي بروفايلى الشخصى فيديو متكامل

اما لو جيبك عمران في الفسحة دي وممكن تصرف خد لك حنطور ب ٨٠ ج اوعجلة ب ١٠ ج او باتشي باجي ب ٤٠ج او تركب حصان ب ٢٠ ج او ممكن تدخل حديقة تذكرتها بـ ٢٠ ج بس لو عاوز نصيحتي روح شوف الشلالات واتمشى علشان تشوف اهم مكان في القناطر واللي هناك هتقول.. يا ربي علي الجمال وصوت الميه وناس بتعوم بقولك ايه هتصيف ببلاش لو معاك ملابس تانيه بس ع مسئوليتك الشخصية لان مفيش منقذين. قبل انتهاء مدة الرحلة ارجع علي الأتوبيس النهرى علشان ترجع لمرسي المظلات مره تانيه.

يسير الأتوبيس النهري المتواجد في مرسي هابي لاند بالمظلات عدة رحلات نيلية مدتها ساعة واحد في النيل واخري للقناطر الخيرية، وصرح مسئول بالمرسي بان الاتوبيس النهري يحتوي علي طوق نجاة لكل راكب اضافة الي تامين الاتوبيس بعناصر الشرطة والامن و٣ بحارة، وفي الاسطر التالية ننشر لكم سعر تذكرة الأتوبيس النهري 2024 ومواعيد الأتوبيس النهري 2024 ورقم تليفون الاتوبيس النهري واماكن الركوب.

مواعيد الأتوبيس النهري 2024

تبداء مواعيد الأتوبيس النهري 2024 علي مدار اليوم للرحلات في النيل، واما المواعيد الخاصة برحلات القناطر الخيرية تبداء من الساعة ال9 صباحا وتنطلق حال اكتمل العدد.

أماكن ركوب الأتوبيس النهري

الاماكن المخصصة لركوب الاتوبيس النهري هي مرسي الهابي لابد بالمظلات بجانب كوبري تحيا مصر، واحرص علي الحضور الي المرسي قبل مواعيد الأتوبيس النهري 2024 بساعة حتي لا تفوتك رحلاتك.